MOVIE NEWS

‘న‌వ‌ర‌స‌’పై ఆదరణ చూపిస్తున్న ప్రేక్షకులు

ప్ర‌ముఖ డిజిట‌ల్ మాధ్య‌మం నెట్‌ఫ్లిక్స్‌లో రీసెంట్‌గా విడుద‌లైన అంథాల‌జీ చిత్రం ‘న‌వ‌ర‌స‌’పై  మ‌న ఇండియాలోనే కాదు, ప్ర‌పంచ వ్యాప్తంగా ప్ర‌శంస‌ల వ‌ర్షం కురుస్తోంది. ఓ బృహ‌త్త‌ర కార్య‌క్ర‌మానికి త‌మిళ చిత్ర ప‌రిశ్ర‌మంతా ఏక‌తాటిపై  రావ‌డంపై అభిమానులు ఆనందాన్ని వ్య‌క్తం చేస్తున్నారు. ఇండియా, సింగ‌పూర్‌, మ‌లేషియా, యుఏఈ స‌హా ప‌ది దేశాల్లో.. నెట్‌ఫ్లిక్స్‌కు సంబంధించి టాప్‌టెన్ రేసులో ‘న‌వ‌ర‌స‌’ అంథాల‌జీ చిత్రం నిలిచింది. 
ఇండియ‌న్ సినిమాల్లో ఏస్ డైరెక్ట‌ర్‌గా పేరు తెచ్చుకున్న దిగ్గ‌జం మ‌ణిర‌త్నం, సీనియ‌ర్ ఫిల్మ్ మేక‌ర్ జ‌యేంద్ర‌న్ పంచ‌ప‌కేశ‌న్ ఆధ్వ‌ర్యంలో తొమ్మిది భావోద్వేగాలైన.. కోపం, కరుణ, ధైర్యం, అసహ్యత, భయం, నవ్వు, ప్రేమ, శాంతి మరియు అద్భుతం ఆధారంగా ‘న‌వ‌ర‌స‌’ను రూపొందించారు.  ఇండియ‌న్ ఎంట‌ర్‌టైన్మెంట్‌లో లార్జ‌ర్ దేన్ లైఫ్ సాంస్కృతిక క్ష‌ణాల‌ను పొందుప‌ర‌చ‌డానికి న‌వ‌ర‌స అంథాల‌జీ కోసం త‌మిళ చిత్ర ప‌రిశ్ర‌మంతా క‌లిసి క‌ట్టుగా ప‌నిచేసింది. 
ఈ గ్లోబ‌ల్ స‌క్సెస్‌ను అందించ‌డంలో త‌మ ప్రేమ‌, స‌హ‌కారాన్ని అందించిన వారిని ఉద్దేశించి మ‌ణిర‌త్నం, జ‌యేంద్ర పంచ‌ప‌కేశ‌న్ మాట్లాడుతూ ‘‘ఒక మన దేశంలోనే కాదు సింగ‌పూర్‌, మ‌లేషియ‌, యూఏఈ వంటి దేశాల్లో నెట్‌ఫ్లిక్స్లో టాప్ టెన్‌గా నిలిచిన ‘న‌వ‌ర‌స‌’కు వ‌చ్చిన స్పంద‌న చూసి మా మ‌న‌సులు ఆనందంతో నిండిపోయాయి. ఈ అంథాల‌జీని వీక్షించిన వారిలో 40 శాతం మంది బ‌య‌ట దేశానికి చెందిన ప్రేక్ష‌కులే కావ‌డం విశేషం. ఇది ప్రేక్ష‌కులకు అంత గొప్ప‌గా  క‌నెక్ట్ అయ్యింద‌ని భావిస్తున్నాం. ‘న‌వ‌ర‌స‌’ రూప‌క‌ల్ప‌న‌లో చాలా మంది హృద‌య పూర్వ‌కంగా త‌మ స‌హ‌కారాన్ని అందించారు. నెట్‌ఫ్లిక్స్ వారి స‌హ‌కారంతో ప‌లువురి జీవితాల‌పై ప్ర‌భావం చూపిన ప‌లువురి గొప్ప ప్ర‌య‌తాన్ని గొప్ప‌గా సెల‌బ్రేట్ చేసుకుంటుంన్నాం. వారంద‌రికీ ధ‌న్య‌వాదాలు’’

Related Articles

Leave a Reply

Your email address will not be published. Required fields are marked *

Back to top button
Close
Close